تعرف إيه عن مسوغات التعيـين

مســــوغات التعيــــين 

مسوغات التعيين هي الأوراق و المستندات اللي بتطلب منك لما تروح تشتغل في أي شركة و لازم تكون عارفها و عارف إزاي تجهزها.

طب هي إيه بقى الأوراق دي؟

1- عدد 6 صور شخصية

2- أصل شهادة الميلاد

3- أصل شهادة الخدمة العسكرية للذكور

4- أصل شهادة المؤهل (الشهادة المؤقتة)

5- فيش جنائي (من السجل المدني)

6- الرقم التأميني (من مكتب التأمينات التابع لمحل إقامتك)

7- كعب عمل (من مكتب العمل التابع لمحل إقامتك)

8- إخلاء طرف من الشغل السابق و استمارة 6 تأمينات.. و ده فقط في حالة إنك تكون اشتغلت قبل كدة في شركة و كان متأمن عليك.. و دي أوراق هاتستلمها من الشركة القديمة و انت ماشي

9- صورة البطاقة

10- صورة كارنية النقابة

خلي بالك!!

ماتسلمش أوراقك للشركة إلا بعد التأكد من قبولك و إرسال الـ Job Offer

ماتوقعش على إستمارة 6 وقت التعاقد.

ماتوقعش على إستقالة مسبقة لما تيجي تشتغل.

ماتوقعش على أي شرط جزائي تحت أي ظرف.